In Desember 1988 het ons ons eerste plaas van 205 hektaar en vier kilometers wateroewer aan die bokant van die Vaaldam aangekoop.  Dit het gegroei tot die huidige ses aangrensende plase wat 1156 hektaar beslaan en met 16 kilometers wateroewer.

Ons gemiddelde jaarlikse reënval is 600mm.  Die beeste wei op suurveld en ons beleef baie koue en strawwe winters.

Ons plaas is relatief droogtebestand; soos die watervlak daal verdubbel die kapasiteit van die plaas.  Die weiding onderkant die watervlak word natuurlik bemes en die beeste floreer op hierdie uitstekende weiding.

Ons is tans besig om ons weiding te verbeter deur gebruik te maak van strookweidingtegnieke wat deur Johan Zietsman voorgestaan word en deur die saai van peulgewas op  grasveld.

Aangaande die stoet & kommersiële kudde:

Ons het ons eerste drie Limousinversies in 1992 aangekoop en tans is ons kuddegetal ongeveer 500 diere en 'n kudde van ongeveer 100 kommersiële diere.  Ons het hoofsaaklik op vrugbaarheid gefokus en het nou ‘n interkalfperiode van 377 dae en ‘n gemiddelde ouderdom eerste kalf van 30 maande.  Ons probeer om klein kalfies te teel wat vinnig groei; moeders met voldoende melk en goeie uiers wat nie te groot word nie en bulle met groot testes en hoë vrugbaarheid.

Ons genetiese tendense is indrukwekkend en pas in by ons doelwitte.  Ons skandeer vir karkaseienskappe en ons bulle en geselekteerde koeie word ge-DNA. 

Ons sien uit na die toekoms met serfvertroue en opgewondenheid.

Aangaande ons span:

Alfred Mahlasela bestuur die plaas in alle aspekte.  Hy toon vaardigheid in alles wat hy doen.  In 2004 is hy na die Royal Skou toe en het hy eiehandig die Interras Goue Beker huistoe gebring.  In 2010 en hy ongelooflik presteer deur die Interras Goue Beker gewen op beide die Gobabis en Pretoria Skoue.

Oupa Nhlapo en sy span sien om na die kudde wanneer ons weg is en hy doen baie goeie werk wat betref die dip van die beeste, inspuitings en om siek diere op te  merk.

Mnr. Chris Marais is vir baie jare al 'n konsultant by Devlan en het ‘n reuse impak op ons kudde gehad.  Sy aandag aan die fynere punte,  sy praktiese ervaring, die opleiding van ons personeel en sy goeie oog vir die regte tipe dier het ons gebring waar ons vandag is.

Sabine Botha, ‘n knap gegradeerde van Tukkies doen wonderlike werk met die opdatering van ons rekenaar-rekords, administrasie en ons webtuiste

Dr. Louis van Jaarsveld is ons gesondheidsadviseur en sien al sedert 1989 om na ons kudde.